Першакурснiкi спецыяльнасці «журналістыка» разам з дацэнтам кафедры медыялінгвістыкі і рэдагавання Ліліяй Шасцярнёвай на працягу снежня наведвалі Дом радыё, дзе знаёміліся з дзейнасцю Першага нацыянальнага канала Беларускага радыё, радыё «Культура», радыё «Сталіца», міжнароднага радыё «Беларусь».

Пра асаблівасці падрыхтоўкі медыятэкстаў да эфіру расказала Наталля Сіротка, Максім Угляніца, Валерый Радуцкі, Яраслаў Даніленка. Журфакаўцы даведаліся пра тыповыя арфаэпічныя і акцэнталагічныя памылкі, складанасці перакладу інфармацыі з рускай мовы на беларускую, спецыфіку падрыхтоўкі тэкстаў на радыё.

Акрамя таго, у студэнтаў была магчымасць паназіраць за прамымі эфірамі, прысутнічаць на рэпетыцыі аркестра, наведаць цэнтральную апаратную. Асаблівую цікавасць выклікала сустрэча з выпускніком журфака Яраславам Даніленкам, які на сёння запатравабаваны на многіх радыёканалах. Пасля знаёмства з міжнародным радыё «Беларусь» дзве студэнткі прымалі ўдзел у кастынгу канала для вяшчання на польскай мове.