Дацэнт кафедры медыялінгвістыкі і рэдагавання Сяргей Зелянко стаў лаўрэатам Рэспубліканскага конкурса сацыяльнай рэкламы "#ПазнайБеларусь" у намінацыі "Слоган".

Конкурс быў арганізаваны Нацыянальным агенцтвам па турызме, Дэпартаментам па турызме Міністэрства спорту і турызму пры падтрымцы Міністэрства інфармацыі, Міністэрства культуры і Міністэрства адукацыі Рэспублікі Беларусь.

На конкурс паступіла больш як 600 заявак, сярод якіх журы конкурсу абрала трох пераможцаў у намінацыях "Слоган", "Плакат" і "Відэаролік". Плануецца, што конкурсныя матэрыялы будуць выкарыстоўвацца для папулярызацыі ўнутранага турызму ў Рэспубліцы Беларусь.

Жадаем Сяргею Віктаравічу далейшых творчых поспехаў!